كسر حاجز الخوف في قتال الشارع / بطريقة الثبات الانفعالي
كسر حاجز الخوف في قتال الشارع / بطريقة الثبات الانفعالي
الخوف
بحث ودراسة لسة مخلصها بالكامل من فترة هحاول الخص وهكلمكم بالبلدي /العامية المصرية/ وباسلوب علمي ـ ويارب الكل يستفاد ـ اولا ايه هو الخوف ـ الخوف هو شعور قوي ومزعج تجاه خطر حقيقي او خيالي الخوف هو العدو الاعظم للانسان الخوف هو السبب الرئيسي في الفشل والخلل في العلاقات وقد يخاف الناس من الحاضر المستقبل الموت الظلام .... الخ والخوف بينقسم لنوعين خوف حقيقي وخوف خيالي الحوف الحقيقي ـ ده هنلاقيه في حالات الخطر بجد زي مثلا في حد بيعتدي عليا او علي اسرتي وبيهدد حياتي بالخطراو راكب مركب ومش بعرف اعوم وخايف من فكرة الغرق او في حيوانات مفترسة بتجري ورايا وهكذ اما الخوف الخيالي فده بيتسمي (الفوبيا ) وهو شعور بالخوف تجاه خطر مش حقيقي زي انك تخاف من الظلام او الاماكن المرتفعة مثلا، علامات الخوف:
ركز عشان هحاول اديلك امثلة وانا شخصيا مريت بيها اولا اللي يقولك الخوف بيتعالج بالادوية مش تمام ـ ليه بقي لان الخوف ده لا مرض عضوي ولا مرض نفسي ولا يعتبر مرض اصلا الخوف ده شيئ حقيقي جواك وفيك وعشان تقتل الخوف دي لازم تواجه خوفك ( مواجهة الخوف )
هو انت مجنون هواجه خوفي ازاي ؟طيب هقولك بص ياعم زي ماعرفتك الخوف مش مرض الخوف ده واقع جواك وحقيقة كمان
خد المثال ده ـ فلنفترض ان في شخص مش بيعرف يعوم نهائي ، غالبا الشخص ده لو ركب المعدية اللي بتعدي النيل او اي مركب بيفضل كل شوية يفكر انه المركب ممكن تغرق وعاوز المركب توصل بسرعة او مش عاوز يركبها تاني ـ اهو ده خوف واقع جواه بس ايه السبب السبب انه عارف نفسه مش بيعرف يعوم وطبيعي لو وقع هيغرق ويموت ـــ طيب ده مثال والله حصلي شخصيا ولما روحت اتمرنت سباحة ـ مبقتش بخاف من الميه خالص اقع براحتي هعرف انقذ نفسي مش هغرق ـ
طب ما طبيعي هتنضرب وطبيعي هتخاف لانك مش بتتمرن رياضة قتالية تعرف تدافع بيها عن نفسك وهكذا هتواجه خوفك يبقي لازم تتمرن لعبة قتالية ساعتها اي موقف يحصلك جسمك وعقلك هيكون حفظ ازاي يتصرف و الثقة هتملاك
خايف من امتحانات الجامعة أو المدرسة طيب ما قبلها اعمل اختبارات كتير ونفس نماذج الامتحانات مع نفسك او مدرسك
خايف من الناس وانطوائي ومتوتر دايما ـ طيب متجرب وتحاول تقف قدام المراية وتتكلم مع نفسك اكنك بتتكلم مع حد غريب وتحاول تغير من شخصيتك مع نفسك ـ هتقولي ده جنون ـ هقولك ده جنون مع نفسك بس هيقتل التوتر لما تتكلم مع الناس واجه خوفك ،بأي شكل من الاشكال اتحداه نافسه عيش جواه خليه يزهق منك خليه يموت ـ واجه خوفك
للفهم أكثر واستيعاب الفكرة يمكنك مشاهدة هذا الفيديو من قناة نسر الكونغفو - فرجة ممتعة:
كما يمكنك مشاهدة مقطع فيديو من نفس القناة، بعنوان -
كيفية التغلب علي الخوف اثناء القتال والخوف من اي شيئ ؟ حياتك هتتغير 180درجة :
فبعد مشاهدتك لهذا المقطع سوف تصبح على علم بكيفية التغلب علي الخوف اثناء القتال والخوف من اي شيئ ؟ الخوف هو شعور قوي ومزعج تجاه خطر، إما حقيقي أو خيالي. الخوف هو العدو الأعظم للإنسان , فالخوف هو السبب وراء الفشل والمرض وخلل العلاقات الإنسانية . ويخاف ملايين الناس من الماضي , والمستقبل , والشيخوخة, والجنون , والموت . ولكن الخوف ماهو إلا فكره في عقلك الباطن وهذا يعني أنك تخشى أفكارك.
أتمنى أن ينال المقطع إعجابكم.
ولكن مع موقع العلم للعرب دوماً هنالك مفاجآت في انتظاركم خصيصاً للأحباب أمثالكم، انتقيت لكم أعزائي مقطع فيديو من نفس القناة للبطل الرهيبجابر صاحب قناة نسر الكونغ فو ، هذا الفيديو الاخير سوف يجعلك تنقذ الموقف قبل هجوم أي شخص أو عدو ومباغتته، كرد فعل سريع، باستخدام تقنيات علمية وعملية تتعرفون عليها من خلال المقطع، بعنوان - بهذه الطريقة لن يهزمك احد ابدا تعلم سر الهجوم الشامل لأسلوب وينج تشون Wing chun
من خلال الفيديو سوف تتعلمالسرعة والدمج والهجوم الشامل مع شرح مميز جدا من خلال دمج التقنيات الخاصة بالوينج تشون بالتوفيق - فرجة ممتعة:
أتمنى من أعماق قلبي أن ينال المقال استحسانكم، ويروق الاسلوب إعجابكم، وتستفيدوا من المادة العلمية، وتتخلصوا من الخوف بشكل نهائي، بارك الله فيكم، ووفقكم لما يُحبه ويرضاه. لكسب الثواب والأجر من عند الله شارك المقال مع أصدقائك على مواقع التواصل ليستفيدوا أيضاً، لربما تكون سبباً في إنقاذ عدة أرواح أثناء تعرضهم لتلك المواقف المصحوبة بالخوف.
تعليقات
إرسال تعليق
تعليقكم يعكس شخصيتكم ، دعونا نتمتع باللباقة في الكلام.